El Real Oviedo y la Cultural y Deportiva Leonesa algamaron un alcuerdu pa la cesión d'Álex Cardero pa esta temporada.

Formáu dende categoría prebenxamín na cantera azul, El Requexón foi'l llar futbolísticu d'Álex Cardero dende los sos primeros pasos. La so progresión a lo llargo de los años llevólu a debutar col primer equipu en 2021 y a formar parte de la plantiya que llogró l'ascensu a Primera División. 

La pasada campaña, Cardero afrontó una campaña de crecimientu llueñe de la capital asturiana. Mientres la primer parte del cursu estuvo cediu nel CD Mirandés, col que disputó 18 alcuentros y anotó un gol. Nel mercáu d'iviernu, el centrucampista punxo rumbu a Chipre pa incorporase al AEK Larnaca, onde participó en 13 partíos y volvió ver portería nuna ocasión.

En total, Álex Cardero suma yá un total de 43 partíos disputaos en Segunda División. Agora, el centrucampista punxo rumbu a Llión pa siguir el so crecimientu como futbolista na Cultural y Deportiva Leonesa, equipu que milita en Primera Federación.

Dende'l Real Oviedo deséamos-y a Álex muncha suerte nesta nueva etapa y una gran temporada.