El Real Oviedo va poner a la venta dende mañana, 9 d'abril, y hasta fin d'esistencies, una remesa llendada de camisetes retro diseñaes con motivu de la xornada especial entamada por LALIGA.

Esta equipación va utilizase nel alcuentru d'esti fin de selmana frente al Celta de Vigo en Balaídos y responde a la gran demanda xenerada dende la so presentación.

La camiseta va tar disponible tanto en tendes físiques como al traviés de la tenda en llinia. Amás, los abonaos del Club van poder beneficiase d'un 10% de descuentu na so compra.

La prenda va comercializase en tallaxe adultu y infantil, con precios de 89,95 € y 79,95 €, respeutivamente. Trátase d'una edición bien llendada que rinde homenaxe a la afición azul, siendo amás la camiseta más demandada nes tendes oficiales dende'l so llanzamientu orixinal con motivu del 91º aniversariu del Club.