Esti domingu, a partir de les 12:00 hores, El Requexón acoyerá l'últimu alcuentru de la fase regular del Grupu I de Segunda Federación ente'l Real Oviedo Vetusta y l'Unión Popular de Langreo. Esti partíu sirvirá como zarru de la competición lliguera enantes del entamu del playoff d'ascensu a Primera Federación.

Por ello, el Club informa de los siguientes puntos d'interés pa esti últimu partíu de lliga:

    • Venta d'entrades: Nun habrá llocalidaes a la venta pal públicu xeneral.

    • Aforu disponible: 450 persones, de les cualos 50 van tar destinaes al Unión Popular de Langreo y 400 a abonaos del Real Oviedo. 

    • Accesu al partíu: L'alcuentru va ser d'accesu esclusivu pa los abonaos oviedistes de la presente temporada y pa los afeccionaos del Unión Popular de Langreo que dispongan d'una de les 50 entrades asignaes al club visitante. 

    • Control d'accesu: Cada abonáu oviedista habrá d'identificase presentando'l so carnet y el DNI na entrada a la Ciudá Deportiva El Requexón. 
 
    • Cumplimientu de les condiciones: El incumplimientu de les normes anteriormente espuestes va impedir l'accesu tanto a les instalaciones como al alcuentru. Establecerase un control previu nos accesos a les taquilles de la Ciudá Deportiva El Requexón pa verificar el cumplimientu de los requisitos. Tola persona que nun los cumpla nun podrá acceder al partíu y habrá d'abandonar les instalaciones.

El Club agradez la comprensión de los sos afeccionaos y el so sofitu constante al Real Oviedo Vetusta nesti tramu final de la temporada.