El Real Oviedo volvió a mirar a la so historia reciente nos instantes previos al alcuentru frente al Sevilla. L’antepalco del Carlos Tartiere acoyó l’actu d’entrega de les insignes d’oru a los abonados que algamaron los 50 años de vinculación ininterrumpida cola entidá azul.

Nesta ocasión, once abonados cumplíen esta simbólica cifra, anque fueron nueve quienes pudieron tar presentes pa recoyer el reconocimientu y compartir el momentu col Club.

El presidente, Martín Peláez, acompañáu por miembros del conseyu d’alministración, quiso destacar el valor d’una trayeutoria marcada pol sentimientu, agradeciendo a los homenaxeaos el so papel como parte esencial del camín percorríu pola entidá.

L’actu sirvió pa poner cara a décades d’apañu inquebrantable, d’entrega constante nes gradielles y de compromisu con unos colores que formen parte de la vida de delles xeneraciones.

Un reconocimientu a una forma d’entender l’oviedismu que tresciende’l pasu del tiempu y que sigue dando sentíu a cada partíu, a cada temporada y a cada etapa del Club.