Esta mañana comparecía en rueda de prensa el defensa del Real Oviedo, Javier López, pa analizar la importante victoria llograda pol equipu ante'l Sevilla y el próximu alcuentru ante'l Celta en Vigo.

"Esa victoria da un empentón pa siguir na pelea. Tenemos que ganar la mayor cantidá de partíos posibles y lluchar hasta'l final y que nun duden que lo vamos facer".

Sobre'l partíu del domingu pasáu, el tinerfeñu señalaba: "Púnxosenos de cara col gol enantes de la espulsión, pero tenemos que aprovechar meyor les superioridaes pa nun sufrir tanto. A pesar de nun facer el segundu gol, sí ye verdá que ellos nun tuvieron ocasiones clares y tuvímolu controláu. Creo que supimos xestionar bien el dominiu de balón, tener el control del partíu y que nun se volviera tolo".

Nel siguiente partíu los azules enfréntense al Celta, "un partíu bien complicáu, ellos tán peleando por xugar en Europa y nós xugámonos la vida. Debemos dexanos l'alma en cada partíu, pol escudu y la afición". Pa amestar: "Tenemos que aprovechar cada victoria pa coger confianza. Ye un partíu bien importante pa cortar la mala racha fuera de casa y lluchar por llograr la permanencia".