Tres la importante victoria por 1-0 frente al Sevilla FC, Guillermo Almada valoró'l trunfu destacando la necesidá de volver sumar tres el tropezón anterior.

El técnicu reconoció que la derrota ante'l Levante fuera un golpe duru, polo que l'equipu afrontó l'alcuentru cola obligación de ganar pa recuperar la confianza y dar-y una alegría a la afición. “L'equipu fixo un bon partíu, anque entá podemos meyorar en fluidez. Tuvimos sólidos na defensa y xeneramos situaciones clares pa haber sentenciáu enantes. Siempres buscamos el segundu gol, porque ye la meyor manera de defender”, esplicó.

Sobre la llucha pola permanencia, Almada foi contundente: “Vamos a pelear hasta l'últimu partíu. Necesitamos compromisu total. El que nun se sienta preparáu, tien de dicilo. Güei l'equipu amosó carácter, supo sufrir cuando tocaba y eso refuérzanos. Agora toca centráse nel siguiente partíu ante'l Celta”.

El entrenador tamién se refirió al cambiu de Viñas, motiváu pola so amonestación: “Tenía tarxeta amarilla y esistía'l riesgu de quedar con ún menos. Incluso valoramos sustituyilu al descansu. Notábase-y condicionáu a la hora de presionar y preferimos nun arriesgar”.

En cuanto al rindimientu defensivu, destacó'l bon nivel de los sos centrales: “Carmo arrastra dalguna molestia, pero pue aportar. La llinia defensiva funcionó bien. Amás, Costas pasó unos díes complicados nel hospital pol nacimientu del so fíu. Ye una posición que tenemos bien cubierta”.

Sobre l'arbitraxe, evitó polémiquez: “Nun me presten los partíos con tantes interrupciones, pero nun vi si hubo errores”. Por último, unvió un mensaxe a los que dan por perdíu al equipu: “Que opinen lo que quieran. Nós vamos a lluchar hasta la última gota de sudor. L'actitú de güei arrímamos al nuesu oxetivu. Sabíemos que podíemos arrimanos al Sevilla y tenemos de siguir partíu a partíu”.