El xugador del Real Oviedo, Pablo Díaz González, zarró la so participación cola Selección Española Sub-15 siendo titular nel segundu amistosu del conxuntu nacional frente a Francia (2-1). El guardameta azul disputó l'alcuentru completu, poniendo asina'l broche a la so estancia en Clairefontaine.

Díes enantes, l'equipu dirixíu por Hernán Pérez impúnxose a Francia por 1-2 nel primeru de los amistosos, un alcuentru nel que'l canteranu oviedista nun tuvo participación.

Tres la so esperiencia cola Selección Sub-15, Pablo reincorporóse esti pasáu sábadu a la disciplina azul pa afrontar l'alcuentru del primer equipu cadete frente al Club Alcázar.