El estadiu Carlos Tartiere acoyó güei 19 de mayu, a les 13:30 hores, la presentación del sellu conmemorativu ‘Equipos de Fútbol Centenarios’, una emisión de Correos incluyida na serie ‘Deportes’, que rinde homenaxe al fútbol históricu español con motivu de los 100 años d'historia del Real Oviedo.

El Club, fundáu'l 26 de marzu de 1926 al traviés de la fusión del Real Stadium Club Ovetense (1914) y el Real Club Deportivo de Oviedo (1919), convirtióse en 1933 nel primer equipu asturianu en ascender a Primera División. A lo llargo de la so hestoria, el Real Oviedo ye un exemplu de superación y resistencia, cuntando na actualidá con más de 26.000 abonados y miles de simpatizantes repartíos por tol estáu español y el mundu.

L'emisión tamién reconoce a otros clubes centenarios como Rayo Vallecano de Madrid, RC Celta de Vigo y Real Murcia C.F.

Nel actu realizóse'l tradicional mataselláu d'honor, protagonizáu pol responsable de patrimoniu históricu del Real Oviedo, Miguel Sanz, y la directora de Filatelia y Relaciones Institucionales de Correos, Nuria Lera Hervás.

El sellu, en formatu fueya bloque, tien un valor facial de 4 euros y una tirada de 65.000 exemplares, y forma parte del homenaxe de Correos a la trayeutoria de clubes históricos del nuesu fútbol.