La primer plantilla del Real Oviedo completó na mañana de güei una nueva sesión d'entrenamientu na Ciudá Deportiva d'El Requexón, onde'l equipu sigue preparando'l tramu final de la pretemporada baxo les órdenes de Julián Calero.

La principal novedá de la xornada foi la presencia d'Estanis Pedrola. L'estremu, anunciáu ayeri como nuevu futbolista azul, entrenó per primer vegada xunto al restu de los sos compañeros tres incorporase a la disciplina oviedista. L'atacante entamó asina la so adaptación a la dinámica del grupu y dio los sos primeros pasos como xugador del Real Oviedo.

La sesión tuvo marcada pol trabayu con balón y diferentes ejercicios tácticos diseñaos pol cuerpu técnicu, nuna selmana clave pa siguir afinando la preparación del equipu enantes del entamu de la competición oficial.

El conxuntu carbayón va siguir col so plan de trabayu n'El Requexón mientres los próximos díes, col oxetivu d'algamar nes meyores condiciones al últimu compromisu de pretemporada y al estrenu lligueru.