La Fundación Real Oviedo y la Fundación Ópera d'Uviéu caltienen la so collaboración col oxetivu d'averar la cultura y l'ópera al entornu más cercanu del club y a los destinatarios de los sos proyectos sociales.

La nueva temporada de la Ópera d'Uviéu yá ta en marcha y ‘Maria Stuarda’ foi'l primer títulu. L'obra de Gaetano Donizetti represéntase baxo la dirección musical de Friedrich Haider y la dirección escénica d'Emilio López, dientro d'una nueva coproducción de la Ópera d'Uviéu y ABAO Bilbao Opera.

La temporada entamó en setiembre con ‘Sorrow’, un programa doble que xunió Kindertotenlieder, de Gustav Mahler, y Suor Angelica, de Giacomo Puccini. Nos próximos meses, la programación va siguir con ‘Macbeth’, de Giuseppe Verdi; ‘Manon Lescaut’, de Giacomo Puccini; y ‘Così fan tutte’, de Wolfgang Amadeus Mozart.

Esta collaboración permite a la Fundación Real Oviedo siguir averando l'ópera a los sos proyectos sociales y fomentar una formación integral basada en valores compartíos como l'esfuerciu, el trabayu en equipu y la solidaridá.

D'esta forma, el Real Oviedo continúa estrechando los sos vínculos cola sociedá uvietense y asturiana y llevando los valores del club más allá del terrén de xuegu.