El Real Oviedo y Antonio Rivas llegaron a un alcuerdu pa prolongar el contratu del actual direutor de Cantera por una temporada más. L'exfutbolista azul, que ocupa'l cargu dende 2021, va siguir al frente de la planificación de les categoríes inferiores del Club mientres la campaña 2026/2027. 

Antonio Rivas Martínez, de 61 años d'edá, nació n'Alcázar de San Juan en 1965. Nel so periodu como futbolista, Rivas defendió la elástica carbayona mientres 10 temporades en Primera División, sumando más de 250 partíos na máxima categoría del fútbol español.

Dempués de la so etapa como xugador, el ciudadrealeñu entamó la so segunda etapa nel Club na campaña 2001/2002, facéndose cargu del equipu de Lliga Nacional y posteriormente del filial. Más alantre, asumió la direición del primer equipu, etapa na que permaneció hasta la temporada 2005/2006, llogrando un ascensu a la antigua Segunda División B.

Con esta renovación, el Grupu Pachuca y el Real Oviedo refuercen la so apuesta pola estabilidá y la continuidá del modelu de cantera desendolcáu nos últimos años, col oxetivu de siguir potenciando'l talentu formáu na casa.