El Real Oviedo completó esti martes, 1 de setiembre, el primer entrenamientu de la selmana nes instalaciones d'El Requexón. La sesión, que entamó a les 9:30 hores, supón la vuelta al trabayu del conxuntu azul dempués del trunfu llográu'l pasáu sábadu frente al Albacete Balompié, el primeru de la temporada.

La xornada entamó con una sesión de vídeo pa, darréu, siguir con trabayu de ximnasiu enantes de saltar al céspede d'El Requexón. Yá sobre'l terrén de xuegu, los futbolistes llevaron a cabu distintos ejercicios colos que entamaron a preparar el próximu compromisu lligueru.

La principal novedá de la sesión foi la presencia de David Jiménez. El nuevu llateral derechu del Real Oviedo, procedente del Real Madrid, completó'l so primer entrenamientu xunto al restu de los sos compañeros, dando asina los sos primeros pasos como xugador azul sobre'l céspede d'El Requexón. Tamién participó con normalidá Marco Esteban, que s'exercitó xunto al restu del grupu nesta primer sesión de la selmana.

Dempués del trunfu ante l'Albacete, l'equipu yá centra la so atención na próxima xornada. Los azules van siguir mañana miércoles colos entrenamientos dende les 9:30 hores.