El Real Oviedo algamó un alcuerdu col Racing de Santander pa la cesión del futbolista Aritz Aldasoro, que se convierte en nuevu xugador de la entidá azul hasta xunu de 2027.

Nacíu'l 5 de xunu de 1999 (edá 27 años) en Beasáin (Guipúzcoa), Aldasoro formóse nes categoríes inferiores de la Real Sociedad, llegando a debutar en 2017 cola Real Sociedad "C" en Tercera División.

Tres permanecer dos temporaes nel tercer equipu de la Real Sociedad, el vascu integróse nel filial, equipu col que llegó a ascender a Segunda División nel añu 2021. Na categoría de plata, el futbolista disputó un total de 28 partíos y foi un xugador importante. 

El so gran rindimientu fixo que'l Real Racing Club de Santander se fixara nel y se ficiera colos sos servicios. Dende la so llegada al conxuntu cántabru fíxose cola titularidá y acumuló 117 partíos nes primeres tres campañes. 

Nesta última temporada, el xugador disputó 19 encuentros, anotó un gol y formó parte de la plantiya que llogró l'ansiáu ascensu a Primera División col Real Racing Club.

Agora, Aritz Aldasoro llega a Uviéu col oxetivu de reforzar el centru del campu carbayón y recuperar protagonismu nel conxuntu dirixíu por Julián Calero.