El Real Oviedo llegó a un alcuerdu col Farul Constanta pa'l trespasu del futbolista Alexandru Ișfan, que se convierte en nuevu xugador de la entidá azul hasta xunu de 2028.

Nacíu'l 31 de xineru de 2000 (edá 26 años) en Mioveni (Rumanía), Alexandru desenvolvió la so carrera profesional nel so país de nacencia, militando en dellos equipos de la SuperLiga rumana.

El nuevu delanteru azul, zurdu y de 187 centímetros d'altor, llega procedente del Farul Constanta onde la temporada pasada disputó un total de 40 partíos, anotando 11 goles y dando 4 asistencies. 

Una vez pase'l pertinente reconocimientu médicu nel Hospital Clínica Asturias, Alexandru Ișfan va ponese a les órdenes del técnicu Julián Calero y va incorporase a la dinámica de trabayu de la pretemporada azul.

Trayeutoria

(2025-26) Farul Constanța
(2024-25) FC Buzău
(2023-24) Petrolul Ploiesti
(2022-23) Universitatea Craiova
(2021-22) Argeș Pitești
(2018-21) Mioveni

El xugador nun va facer declaraciones hasta'l momentu de la so presentación oficial.