Elena Lara Fernández (14/12/2008, Corvera d'Asturies) pasa a formar parte de la primer plantilla del Real Oviedo Femenín de cara a la próxima temporada, tres una trayeutoria que la consolidó como una de les grandes promeses de la cantera carbayona.

Formada dende infantiles nes categoríes inferiores del club, Lara destacó nel Real Oviedo B pol so desborde per banda, la so velocidá y la so capacidá pa desequilibrar n'ataque, cualidaes propies d'una estremu de gran proyección.

Durante la temporada 2025/26 foi una pieza importante nel Real Oviedo B y tamién tuvo la oportunidá de sumar minutos col primer equipu en dellos partíos.

La so progresión trespasó amás les fronteres del club: Lara foi convocada cola seleición española sub-16, cola que disputó'l Tornéu de Desenvolvimientu UEFA n'Irlanda del Norte en marzu de 2024, xugando los 90 minutos na victoria ante la seleición anfitriona (0-5).

La so llegada a la primer plantilla ye un nuevu exemplu del firme trabayu de formación que realiza'l Real Oviedo Femenín, un club que apuesta de manera decidida pol talentu de casa como base del so proyectu deportivu.