L'entrenador del Real Oviedo, Guillermo Almada, compareció na sala de prensa dempués del empatín 1-1 del Real Oviedo frente al Villarreal CF. En primer llugar, el técnicu analizó la xugada clave del penalti repetíu. "Esti tipu de xugades penalizáronnos y paezme totalmente inxustu cobrar invasión nesi penalti. Na imaxe vese mui claro que nun se ta pisando l'área y cústanos muchísimo. Partíos asina son de detalles y esti tipu de situaciones foron en contra nuestra de manera reiterativa, pero sí que me causa indignación", detalló.

"Gustaríame ver si a otros equipos más importantes-yos cobren lo que nos cobraron nesi penalti repetíu. Pa pitar algo asina tien que ser mui claro, pero nada, nun quiero siguir falando d'esto", amestó.

Sobre'l partíu y lo puramente futbolísticu, Almada esplicó que "fuimos superiores y l'empat sábenos a poco. Tuvimos más claridá nel segundu tiempu que nel primeru, anque tampocu nos llegaron muncho. El Villarreal tien una plantiya de muncha calidá y fiximos un gran partíu, merecimos meyor resultáu".

Agora, y col alcuentru del Elche yá na mira, l'entrenador uruguayanu señaló que "namás pienso en ganar al Elche, nun pienso nel más allá. Soy optimista de cara al domingu. Hai que ver cómo lleguen los xugadores al partíu".

"Lo de la xente ye pa quitase'l sombreru y alégrame polos futbolistes. Intentaremos el domingu caltener tolo bonu que fiximos pa tratar de ganar. Lo importante agora ye tratar de recuperar a los xugadores. Había munchos que taben agotaos", concluyó finalmente.