El entrenador del Real Oviedo, Guillermo Almada, compareció na sala de prensa pa analizar la dolorosa derrota del conxuntu azul ante l'Elche CF. 

"Regalamos 45 minutos. Dende'l mio puntu de vista, golpeáronnos muncho esos dos goles tan al entamu. El golpe anímicu más importante ye recibir un gol pronto y pasónos dos veces. Xugamos mui mal nel primer tiempu, dempués meyoramos", detalló en primer llugar.

"Nel segundu tiempu tomamos más riesgos, munches veces quedábase Costas solu atrás. Tuvimos situaciones, pero nun les pudimos empujar, pasaron munchos balones pel área", añadió.

Sobre lo que queda de temporada y lo que ta por venir, Almada esplicó que "vamos siguir peleando, conozco a los xugadores y van lluchar hasta lo que nun tengan. Como pasó nel segundu tiempu. Namás quiero siguir lluchando, analizar lo que pasó güei y siguir. El camín pa salvarnos ye ganar los cinco partíos que nos queden".

Preguntáu poles rotaciones, el técnicu uruguayu apuntó que "les rotaciones yeren inevitables, acuérdate de lo que nos pasó en Vallecas. Les sensaciones fueron asemeyaes, pero too se vino abaxo tres el 0-1 del Elche y costónos muncho. Cuéstanos xugar dos partíos en pocos díes, ye una realidá".

"Los rivales tamién rotan, ye natural. Ameyoramos la intensidá, pero gustaría-me que l'equipu tuviera nun nivel más nel físicu. Yeren inevitables les rotaciones, nun lo fiximos ante'l Rayo va meses y costónos carísimu. Son desafíos que nos dexen enseñances", añadió.

"Pensamos en que Cazorla fuera titular, pero preferí que entrara col rival coles piernes camudaes. Prefiero que xuegue esos 20 o 30 minutos del final", concluyó finalmente.