Como cada branu, volvemos a alcontranos alredor d'una de les tradiciones más significatives pa la familia oviedista. Anque, siendo sinceros, hai tiempu que l'oviedismu dexó d'entender de calendarios.

Durantelos últimos meses siguisteis unviándonos semeyes dende tolos cantones del mundu. En iviernu o en primavera, nuna escapada de fin de selmana o nel viaxe de fin de cursu, lluciendo con orgullu los nuestros colores y amosando que'l sentimientu azul acompaña siempre a quien lleva al Real Oviedo nel corazón.

Porque'l branu tien daqué especial. Ye tiempu de reencuentros, de nueves esperiencies, de descubrir llugares distintos y de crear recuerdos que permanezquen pa siempre. Y, pa los oviedistes, tamién ye la oportunidá perfecta pa siguir amosándoi al mundu hasta ónde llega la nuestra pasión.

Por eso, un añu más, ponemos en marcha'l #veranooviedista y convidámosvos a compartir con nós eses instantánees nes que'l azul del Real Oviedo conquista playes, montes, ciudaes y cualquier rincón del planeta. Queremos siguir construyendo, ente toos, esi mapa infinitu del oviedismu que mos recuerda que nunca caminamos solos.

Dende güei abrimos el concursu nes nuestres redes sociales, onde vamos compartir les vueses semeyes a lo llargo del branu. Pa participar, namás tendréis que publicar la vuestra imaxe utilizando'l hashtag #veranooviedista y indicar el llugar nel que foi sacada.

Entre tolos participantes sortearemos una camiseta de la próxima temporada.

Gracies por siguir llevando'l nuestru escudu con orgullu ellí onde vais, faciendo del Real Oviedo una forma de sentir que nun conoz distancies nin époces del añu.