Más d’una ventena d’accionistes y aficionaos procedentes d’Alemaña, Estaos Uníos, Reinu Uníu y Suíza acompañaron al Real Uviéu nel so partíu del domingu pasáu frente al Sevilla Atlético.

Los accionistes alemanes Sebastian Cremer y Simon Augsten, l’accionista suízu Dario Jutzi, l’accionista británicu Tom Mucklin y so pá, la familia norteamericana Miller y un grupu de doce rapazos d’Estaos Uníos presenciaron el trunfu del Real Uviéu el domingu.

Toos ellos tuvieron ocasión de conocer, dalgunos a lo llargo de la fin de selmana y otros el llunes, les dependencies interiores del Carlos Tartiere, en visites guiaes n’inglés coles qu’afondaron nel so conocimientu sobre la historia y l’actualidá del club.