El Real Oviedo informa a los 356 abonados afectaos poles obres realizaes na Tribuna Lángara mientres l'iviernu de 2024 que los próximos 28 y 29 de mayu van poder acudir a les oficines del estadiu, en horariu de 10:00 a 15:00 hores, pa xestionar, si asina lo deseen, el so regresu a la citada tribuna.

Anguaño, la Tribuna Lángara cuenta con un total de 1.988 asientos. A zarru de la temporada 2025/2026, l'ocupación ye de 1.878 llugares, calteniéndose bloquiaos 110 asientos en exclusiva pa los abonados afectaos poles actuaciones llevaes a cabu nel iviernu de 2024.

Los abonados interesaos van poder resolver cualquier dulda o ampliar información al traviés del corréu electrónicu oas@realoviedo.es o al traviés del WhatsApp 659 488 827.

Esta midida enmárcase, al igual que nes dos caberes temporaes, dientro de los compromisos y aiciones acordaes nes xuntes calteníes nel so día colos afectaos. Trátase amás de la primer actuación prevista enantes del entamu de la campaña d'abonaos correspondiente a la temporada 2026/2027.