SD Eibar 1 - Real Uviéu 0
Alliniaciones
SD Eibar: Dmitrovic, Calavera, Ramis, Algezabal, Cote, Rivera, Jordán IBargoien, Inui, Peña y Kike García. Tamién xugaron: Riesgo, Galve, Capa, Bebé, Dani García y Charles.
Real Uviéu: A. Herrero, Carlos Hernández, Aarón Ñíguez, Ramón Folch, Linares, Mariga, Hidi, Valentini, Cotugno, Mossa y Viti. Tamién xugaron: Juan Carlos, Johannesson, Prendes, Toché, Matej Pucko, Edu Cortina, Saúl Berjón, David Rocha y Asier.
El Real Uviéu encaxó la primer derrota de la pretemporada en forma de penalty énte la SD Eibar n’El Malecón. Anquela dio-yos entrada directamente nel once a les trés últimes incorporaciones nel conxuntu uviedista. Mariga, Hidi y Cotugno formaron nel once titular con un trivote que nun usare hasta agora’l técnicu xienense. El Real Uviéu volvió caracterizase pola so seriedá defensiva y Alfonso Herrero namás tuvo qu’esforciase nuna espurrida en llanzamientu directu de falta. Dalgún remate más de los eibarreses protagonizó una primer metá onde al Real Uviéu costó-y crear peligru. Aarón tuvo la más clara nun remate dende la esquierda, depués d’un pase en llargo de Linares, que Dmitrovic tornó a córner.
Na segunda y con movimientu de bancu de la que pasaben los minutos, el Real Uviéu foi ganando presencia y posesión, y tamién llegada n’ataque. Un bon remate de Pucko, qu’espeyó la defensa a córner; un llanzamientu de Saúl que buscaba la escuadra y que tamién tornó’l conxuntu eibarrés, depués d’una bona xugada d’Edu Cortina; y un remate de Verdés en xugada a balón paráu supunxeron les meyores ocasiones del conxuntu uviedista na segunda metá, na que Kike García tresformaba nos primeros compases un penalty que-y dexó al Eibar imponese por un gol a cero al conxuntu uviedista.
El Real Uviéu descansa hasta’l martes que vien, a les 18:30 hores, n’El Requexón.
