Tal día como güei, un 3 de marzu, nel añu 1985, el Real Oviedo marcaba ocho goles al Lorca Deportiva en partíu del Campeonatu Nacional de Lliga de Segunda División disputáu nel estadiu Carlos Tartiere.
L'entrenador del Real Oviedo, José Luis Romero, alineó inicialmente nesi alcuentru el siguiente once: Heres, Juanito, Prados, Herrero, Vili, Berto, Cárdeno, Muñoz, Santi, Salamanca, Lope Acosta. Nel minutu 61 Paco sustituyó a Herrero; y nel minutu 70, Blanco remplazó a Salamanca.
Los tres primeros goles del Real Oviedo foron marcaos na primer parte por Muñoz, Lope Acosta y Salamanca. Na segunda metá, Lope Acosta llogró'l cuartu y el quintu tantos. Berto y Santi consiguiron el sestu y el séptimu. L'octavu gol de la tarde foi marcáu pol mozu Paco, que debutaba esi día nel primer equipu carbayón.
A la conclusión del partíu, el marcador del Tartiere amosaba'l contundente resultáu de 8-0, reflechu de lo que foi una clara victoria pal Real Oviedo frente al Lorca.
La fotografía que ilustra esti testu amuesa la imaxe del canteranu oviedista Paco, que esi día xugó'l so primer partíu oficial col primer equipu y llogró l'octavu gol del alcuentru.