Selmana esixente y diferente pa'l Real Oviedo. El conxuntu azul completó esti llunes la penúltima sesión de la selmana enantes d'enfrentase miércoles al Rayo Vallecano en Madrid. Dempués de la dura derrota ante l'Atleti, la primer plantía carbayona afronta agora dos partíos nuna selmana cola necesidá de ganar sí o sí dambos pa caltener vives les sos opciones de permanencia.
Dempués d'entamar la sesión nel ximnasiu, el Real Oviedo treslladóse al céspede d'El Requexón onde trabayó contrarreloxo pa preparar de la meyor forma posible'l so partíu ante'l Rayo Vallecano. El técnicu, Guillermo Almada, estuvo mui pendiente de los sos futbolistes mientres la xornada de güei consciente de la importancia del choque d'esti miércoles.
Mañana, a les 10:30 hores, entrenamientu nuevu n'El Requexón. Amás, pola tarde, l'equipu va dir camín de Madrid.