Partíu'l d'esta nueche correspondiente a la xornada 23 de la LaLiga Smartbank, que midía al Real Oviedo col Deportivo Alavés na vuelta de los azules al feudu carbayón. Los d'Álvaro Cervera formaben de incio con: Braat, Rodri Tarín, Luismi, Viti, Borja, Dani Calvo, Jimmy, Obeng, Hugo Rama, Lucas y Abel Bretones.
Arrincaba'l choque con presencia del conxuntu de la capital del Principáu d'Asturies en campu rival y ensin apuros na suya. La tónica yera esa y la primera con peligru llegaba n'una falta na frontera tres valtamientu a Obeng qu'Hugo Rama cutía a la barrera. El segundu acercamientu qu'amenació la meta defendida por Sivera venía d'un robu y contra azul que terminaba
con centru de Viti que se diba penriba non ensin ciertu suspense.
Y la segunda nun camudó'l guion del alcuentru que tendría nos sos postreros 20 minutos de xuegu la fase más azogosa. Nel 70' un claru valtamientu a Obeng yera revisáu pol VAR y sancionáu merecidamente con tarxeta colorada para Abqar. D'ende a la fin el Real Oviedo y el públicu del Tartiere apertaron para llograr una victoria que llegaría gracies a una falta botada
por Koba y rematada de cabeza por Rodri Tarín para furar la portería babazorra.
Resultancia final de 1-0, un marcador merecíu conforme a lo visto sobre'l terrén de xuegu qu'empieza a sonar habitual ente l'afición carbayona cuando l'equipu apuesta los sos partíos como local.
