L’Artés Carrasco foi l’escenariu esti sábadu del alcuentru qu’enfrentó al Lorca CF y al Real Uviéu nuna xornada nueva de competición en Liga 1|2|3 y que nos dexó la victoria uviedista por 0-2. L’alcuentru, amás de dexanos xuntar sensaciones, bon xuegu y trés puntos más en marcador, valiónos pa que’l nuestru delanteru Miguel Linares algamare la cifra de 50 tantos cola elástica carbayona.
El de Fuentes de Ebro, qu’encara la cuarta temporada al frente del Real Uviéu, anotaba’l 0-2 depués d’aprovechar un centru de Saúl Berjón que refugó’l palu esquierdu del meta local. Con esti tantu, Miguel Linares entra a formar parte d’un elencu de goliadores uviedistes ilustres, ente los que destaquen Lángara, Herrerita, Carlos Muñoz o Diego Cervero, ente otros.
Los goles que Miguel Linares lleva anotaos de magar llegó al Real Uviéu na temporada 2014/15 repártense ente LaLiga, Segunda División B, promoción d’ascensu y copa, onde anotó 18, 28, 2 y 2, respectivamente.
