LEDVANCE, unu de los principales proveedores d'illuminación xeneral pa cliente final y profesional, xúnese al Real Oviedo como nuevu patrocinador pa la temporada 2025/2026, coincidiendo col regresu del conxuntu azul a la Primer División del fútbol español.
Gracies a esti alcuerdu, LEDVANCE pasará a formar parte del Club de Negocios del Real Oviedo, la exclusiva plataforma de networking del club, amás de contar con presencia de marca nel estadiu Carlos Tartiere y na Ciudá Deportiva El Requexón. Asina mesmu, la compañía va tar presente na parte trasera de la camiseta d'entrenamientu del equipu femenín y va disponer d'accesos a tolos partíos que'l Real Oviedo dispute nel Tartiere.
L'actu de la firma del alcuerdu tuvo llugar nel estadiu Carlos Tartiere y contó cola presencia de Martín Peláez, presidente del Real Oviedo, y Manuel Paredes González, vicepresidente del club. Per parte de LEDVANCE España asistieron Alfonso Canorea, CEO de la compañía, Jorge García, responsable Rexonal Zona Norte, y Jennifer Santana, del departamentu de Marketing.
“Pa'l Real Oviedo ye un orgullu sumar a LEDVANCE como nuevu patrocinador nuna temporada tan especial pa nós”, señaló Martín Peláez, presidente del club. “La so incorporación llega nun momentu históricu y refuerza'l nuesu compromisu de siguir medrando xunto a empreses que comparten valores como la innovación y el trabayu en equipu”, añadió.
Pela so parte, Alfonso Canorea, CEO de LEDVANCE España, destacó: “Tamos mui ilusionaos d'acompañar al Real Oviedo nel so regresu a la máxima categoría del fútbol español. Esta alianza reflexa la nuesa apuesta pol talentu y la superación, valores que tamién definxen a la nuesa compañía”.
Sobre LEDVANCE
LEDVANCE ye unu de los proveedores líderes mundiales d'illuminación xeneral pa profesionales y consumidores finales, con presencia en más de 140 países. Descendiente de la división d'illuminación xeneral d'OSRAM, la compañía ufierta unu de los portfolios más amplios y completos del mercáu, con una amplia gama de lluminarias y llámparas LED, productos SMART+ pa la llar, sistemas de xestión VIVARES y soluciones d'illuminación centraes nes persones (HCL).
Comprometida cola sostenibilidá y l'eficiencia enerxética, LEDVANCE impulsa una estratexa empresarial responsable col mediu ambiente. En 2023 llanzó la so iniciativa “El Poder de la Luz”, al traviés de la cual la compañía busca empoderar a les persones na xeneración y usu d'enerxía al traviés de la so nueva llinia LEDVANCE Renewables, que integra l'illuminación con soluciones d'enerxíes renovables d'última xeneración.