El Real Oviedo y Rialto algamaron un nuevu alcuerdu de collaboración pol que la histórica confitería uviedina conviértese en Local Sponsor del Club. Esti alcuerdu refuerza la unión ente dos instituciones fondamente arraígaes n'Asturies y que comparten valores como la dedicación, la calidá y l'orgullu pola so tierra.
La firma del conveniu tuvo llugar nel Estadiu Carlos Tartiere, cola presencia de Manolo Paredes, vicepresidente del Real Oviedo, y Francisco Gayoso, propietariu de Rialto. Ambos destacaon la relevancia d'esti alcuerdu, que xune tradición, cercanía y sofitu al deporte rexonal.
Como parte del patrociniu, Rialto contará con visibilidá nel estadiu, presencia destacada de productu en distintos espacios y eventos del Club, asina como un detalle de protocolu destinao a los equipos rivales que visiten el Tartiere a lo llargo de la temporada. D'esta manera, el Real Oviedo conviértese nun nuevu escaparate pa unu de los emblemes gastronómicos más conocíos del Principáu.
Fundada hai más de cien años, Rialto ye una empresa centenaria que caltuvo vivu'l so prestixu gracies a xeneraciones de maestros confiteros que caltuvieron les fórmules artesanes y el saber facer que carautericen a la casa. Entre les sos elaboraiciones más icóniques destaquen les sos célebres Moscovitas®, fines pastes d'amendu marcona y chocolate que lleven casi un sieglu faciendo de manera totalmente artesanal. La so calidá, exclusividá y ésitu impulsaron la creación de nueves variedaes y productos que amplíen el legáu de la marca.
Con esti alcuerdu, Rialto reafirma'l so compromisu cola ciudá y el so deséu de siguir acompañando a les instituciones que formen parte de la identidá uviedina. El Real Oviedo, pola so parte, suma un aliáu de prestixu que refuerza la so identidá llocal y el so vencellu cola tradición y l'escelencia asturiana.