Los participantes del tercer turnu del Campus Real Uviéu, qu’arrinca güei, recibieron la visita del nuestru canteranu, accionista y abonáu, Juan Mata.
L’uviedín nun quixo perder la so visita tradicional a les instalaciones deportives Tensi pa saludar y pasar un pedazu prestosu colos uviedistes mozos, los sos últimos díes de vacaciones primero d’incorporase a la pretemporada col Manchester United. Juan Mata atendió les preguntes de los pequeños, colos que sacó una semeya, repartiendo momentos d’ilusión y felicidá.
D’esta forma, Juan Mata, fiel cada añu al Campus Real Uviéu, súmase a les visites de Boateng y Johannesson nestes primeres selmanes d’un Campus que se va allargar hasta últimos de xunetu.
AST
