El Real Uviéu llegó a un alcuerdu pa facese colos servicios del centrocampista Javi Muñoz, que llega en calidá de cedíu procedente del Deportivo Alavés.
Javi Muñoz, de 23 años d’edá, nació’l 28 de febreru de 1995 en Parla, Madrid. Formáu nes categoríes inferiores del Real Madrid, el centrocampista militó esta temporada en LaLiga 1|2|3, defendiendo la camiseta del Lorca CF, club del que llega procedente, nuna temporada na que xugó 36 partíos, axuntando 2.647 minutos y con un rexistru anotador de 5 tantos.
Javi Muñoz ye un centrocampista que destaca pola so calidá, visión de xuegu y golpéu.
El mediocentru va ponese a les órdenes de Juan Antonio Anquela dende mañana, vienres.
Trayectoria:
(2012/17) Real Madrid
(2017/18) Lorca CF
La presentación oficial de Javi Muñoz como xugador nuevu del Real Uviéu va facese mañana vienres, depués del entrenamientu mañaneru del primer equipu.
El mediocentru nun va realizar declaraciones hasta’l momentu de la so presentación oficial.
