Real Uviéu Kids yá ye una realidá y ta preparáu pa que tolos uviedistes pequeños atopen nél el so verdaderu paraísu. El proyectu, construyíu por Proasur de la mano del Real Uviéu, abrió esta tarde les puertes en forma d’inaguración oficial, cola celebración d’un cumpleaños y la presencia de los xugadores Christian Fernández y David Rocha, qu’asistieron al eventu xunto al presidente, Jorge Menéndez Vallina; el conseyeru Fernando Corral, y Joaquín del Olmo.
Dende un campín pequeñu de fútbol hasta xuegos de puntería, o un billar pa xugar con balones y los pies, pasando per una atracción bien guapa en forma de castiellu elásticu con tobogán incluyíu, amás de los xuegos interactivos. Un recintu construyíu a caprichu pa los neños y neñes que van atopar en Real Uviéu Kids el meyor sitiu d’ociu pa gozala colos sos amigos.
El recintu entra dende esti momentu en funcionamientu, y tola información pue atopase en www.realoviedokids.es
