El Real Oviedo recupera efectivos tres la última ventana internacional, na que dellos futbolistes azules tuvieron protagonismu coles sos respectives seleiciones.

 

El centrucampista Sibo zarró la so participación con Ghana cayendo por 2-1 contra Alemaña, nun alcuentru nel que disputó 45 minutos. Pol so llau, Hassan volvió sumar esperiencia internacional con Exiptu: tres debutar recién, l'atacante participó nel empatín ensin goles contra España, acumulando 22 minutos na so segunda apaición cola seleición absoluta.

 

Ambos xugadores yá tán en Uviéu y retomaron el trabayu na ciudá deportiva d'El Requexón a les órdenes de Guillermo Almada.

 

En cuanto a la representación sudamericana, Uruguái empató 0-0 frente a Arxelia nun partíu nel que Fede Viñas foi titular y disputó 69 minutos, ente que Fonseca nun tuvo participación. Dende África, Rahim volvió ser protagonista con Níxer, xugando l'alcuentru completu magar la derrota por 0-1 contra Togu.

 

Ta previstu que tanto los futbolistes uruguayanos como Rahim tornen a Uviéu a lo llargo d'esti miércoles, incorporándose al grupu na sesión de mañana pa siguir preparando'l próximu compromisu lligueru.

 

El Real Oviedo yá centra tolos sos esfuercios nel duelu del domingu contra'l Sevilla nel Carlos Tartiere, onde los d'Almada buscarán volver sumar ante los sos.