Real Uviéu 0 - RC Deportivo 0
Allineaciones
Real Uviéu: Juan Carlos, Johannesson, Verdés, Folch, Toché, Linares, Pucko, Christian Fdez., Valentini, Saúl Berjón y David Rocha. Tamién xugaron: A. Herrero, Prendes, Carlos Hdez., Edu Cortina, Jorge Ortiz, Aarón Ñíguez, Mossa, Asier y Viti.
RC Deportivo: Tytón, F. Navarro, Mosquera, Albentosa, Çolak, Fede Cartabia, Andone, Arribas, Gerard, Borja Valle, Edu Exposito.Tamién xugaron: Francis, Bicho, Luisinho, Fede Valverde, Bakkali, Bruno Gama, Schär.
El Real Uviéu estrenóse nel Carlos Tartiere nun partíu seriu énte'l RC Deportivo de la Coruña, primer rival de LaLiga Santander col que se midía'l conxuntu uviedista esta pretemporada. Anquela allinió un once titular que caltuvo hasta'l descansu, introduciendo namás a Carlos Hernández en cuenta de Verdés, y dando minutos progresivamente al restu del grupu. Aguantó'l Real Uviéu'l primer emburrión del Dépor, que de la que pasaben los minutos aumentó la posesión de balón, pero ensin llegar a esmolecer la meta de Juan Carlos. Verdés y Valentini ganáron-y la partida a Andone. El conxuntu uviedista tampoco nun foi quién a crear demasiao n'ataque, y namás en balón paráu llegó a averase a la meta deportivista.
Na segunda metá, Tytón atayó un bon centru llateral de Johannesson que buscaba'l corazón del área. Tanto Anquela como Pepe Mel empezaron a mover bancu, y la más clara de los azules foi obra de Mossa, nun testarazu nel segundu palu que marchó fuera. Alfonso tamién sustituyó a Juan Carlos y namás intervieno nuna ocasión, con un ataque del Dépor que nun llegó con claridá.
Empate a cero n'otru amistosu de la pretemporada uviedista na que'l Real Uviéu nun conoz la derrota.
AST
