El Real Uviéu pon en marcha una campaña especial d’acompañante p’abonaos uviedistes pensando nel partíu d’esti sábadu, frente al Real Zaragoza, nel Carlos Tartiere.
D’esta manera, cada abonáu uviedista va poder sacar dos localidaes a un preciu total de 10 € pa dir acompañáu y animar al equipu nesti partíu tan importante énte’l conxuntu mañu, el sábadu a les 21:00 hores.
La promoción va ser válida dende mañana miércoles hasta completar aforu, o hasta’l vienres a les 22:00 hores. Tienen derechu a acoyese a esta promoción tolos abonaos, nun siendo neños y neños pequeñinos. Va ser menester presentar l’abonu de la que se saquen les localidaes. La localidá de públicu xeneral de miércoles, xueves y vienres va tar a un preciu de 15 €.
Amás, los abonaos residentes fuera d’Uviéu tienen disponible reserva online, hasta’l vienres a les 19:00 hores. El sábadu va haber una taquilla habilitada pa la recoyida de les entraes acutaes online.
Les localidaes van tar a la venta dende mañana, miércoles, y hasta’l vienres nes oficines del Real Uviéu (10:00-14:00 h y de 16:30-19:00 h) y na tienda oficial del Centru Comercial MODOO (10:00 a 22:00 hores).
El sábadu nun va haber opción de retirar entraes d’acompañante, y los precios en taquilla pa públicu habitual van ser los avezaos.
