Con dos cambeos nel once respecto al partíu del pasáu vienres énte la Ponferradina, tres la entrada de Mossa y Borja Sánchez nel equipu, los del Cuco Ziganda saltaron sobre'l municipal uvieín, conscientes de la importancia de sumar énte un rival directu.
Nos primeros minutos, el Real Oviedo foi de menos a más, empezando a buscar la portería defendida por Dani Giménez, con ocasiones de Yoel, Tejera y Borja. Col pasu de los minutos, los azules atopáronse cómodos y llegaron les más clares. A saque de falta llateral de Tejera, Luismi remató percima de la defensa visitante y punxo´l primer tantu pa los azules. Darréu, el Dépor tendría l'empate dende los once metros, pero Lunin aldovinó'l disparó y esbarató el tiru de Colak. Nos momentos finales Tejera tuvo de nuevu una clara ocasión qu'estrelló nel poste, por que, poco dempués, Yoel Bárcenas punxera'l segundu na cuenta de los azules, con un gran llanzamientu de falta dende la frontera. Na siguiente xugada los deportivistas retayaron distancies nel marcador. Cola resultancia de 2-1 llegar al descansu.
Tres el pasu por vestuarios, la tónica foi similar al primer actu, con un Real Oviedo buscando asociase pa crear peligru sobre la meta visitante, con dellos acercamientos ensin fortuna. Nel minutu 58, a saque de córner, los coruñeses punxeron l'empate nel marcador. Tres ello, el Real Oviedo siguió intentándolo, y tuvo nes botes de Borja la posibilidá de ponese per delantre, pero Dani Giménez, con una gran parada, detuvo'l tiru del carbayón. Ziganda movió'l banquín pa da-y aire al equipu cola entrada de Rodri ya Ibra, y darréu asitiando sobre'l campu a Jimmy, que trató de conectar pases colos homes de riba. Nel descuentu Obeng saltaría al terrén de xuegu p'aprovechar les últimes ocasiones del partíu.
Los de Ziganda vuelven al trabayu mañana para preprar l'alcuentru d'esti llunes énte'l Sporting de Xixón.
