CD Lealtad 0 - Real Uviéu 0
Alliniaciones:
CD Lealtad: Javi Porrón; Nacho, Miguel, Agus Porto, Carbonell, Alex Blanco, Borja, Mendi, Diego, Jorge, Robert. Tamién xugaron: Keko, Omar, Carlos, Manu Blanco, Fassani, Cortés, Fran Simón, René Pérez, René Montoto y Montero.
Real Uviéu: Juan Carlos, Johannesson, Varela, Verdés, Josín, Susaeta, Linares, Edu Cortina, Jorge Ortiz, David Rocha, Steven. Tamién xugaron: Gorka, Alfonso, Carlos Hdez., Folch, Toché, Asier, Aarón Ñíguez, Christian Fdez., Valentini, Prendes, Saúl y Viti.
El Real Uviéu nun foi quién a refrendar en marcador la superioridá demostrada nel segundu amistosu de la pretemporada. Juan Antonio Anquela repitió repartu de minutos, con muncha presencia de xugadores del filial tanto nel once como na segunda metá. Linares y Steven protagonizaron los averamientos na primer metá, con un remate de Verdés en llanzamientu de córner qu’aparó Porrón, delantre d’un conxuntu maliayu que tuvo dalgún averamientu n’ataque, con un espeye de Juan Carlos nun balón bombiáu que buscaba’l llargueru.
Na segunda parte, y cola entrada de nueve xugadores de refrescu nes files uviedistes, aumentó la superioridá del Real Uviéu, que tuvo les más clares nun remate doble de Folch y Carlos Hernández, y depués con Toché unviando esviáu’l remate tres d’una bona xugada ente Saúl y Asier.
Un ensayu nuevu de pretemporada, depués del entrenamientu mañaneru que completare l’equipu n’El Requexón, y que mañana va facer a los azules volver al trabayu, dende les 10:00 hores.
