El Real Uviéu encaxó una derrota doliosa nel Nuevo Arcángel nun partíu que dexa al conxuntu uviedista a cinco puntos del play off d’ascensu con dos xornaes por xugase, convirtiendo en cuasi imposible la so clasificación a pesar de les opciones matemátiques.
Nun pasare nin un minutu de partíu y el conxuntu uviedista encaxó’l primer gol del alcuentru. Ensin reacción pela parte uviedista a pesar d’un averamientu de Toché, llegó’l segundu gol del Córdoba a los diez minutos de partíu. Llegaba entós l’acción del penalty sobre Christian Fernández, que’l pichichi uviedista tiró dende los once metros, pero atayó’l meta local. El Real Uviéu tuvo la opción de metese nel partíu, pero nun lo aprovechó y el Córdoba anotó’l terceru antes del descansu pa dexar sentenciáu l’alcuentru. Un remate de Nando estrellóse en llargueru a puntu de llegar a la final de la primer metá.
Na segunda Hierro dio-y entrada a Saúl Berjón en cuenta de Torró, y foi precisamente Saúl el que tuvo un disparu de lloñe qu’atrapó’l porteru local. El Córdoba respondió col cuatro a cero, y cola entrada de Llinares llegó’l primeru pa los azules, obra de Saúl. Yá en tiempu añedíu, Llinares tresformó otru penalty poniendo’l cuatro a dos definitivu.
