El Real Oviedo y el CD Mirandés han acordáu finalizar la cesión del xugador Álex Cardero, que dende esti momentu conviértese en nuevu futbolista del AEK Lárnaca, en forma de cesión.
El conxuntu chipriota atópase disputando la lliga del so país, en segunda posición, acumulando 13 victories, 4 empates y 3 derrotes, con 43 puntos y un rendimientu ofensivu sólidu con 39 goles a favor por 17 en contra. Asina mesmu, l'AEK Lárnaca ta inmersu na UEFA Conference League, clasificáu nel Top-8, con 3 victories y 3 empates, encaixando un solu tantu nos seis alcuentros disputaos.
D'esta forma, Álex Cardero entama una nueva etapa na so carrera, incorporándose a un proyectu competitivu a nivel internacional. Dende'l Real Oviedo deséamos-y la mayor de les sortes nesti nuevu desafíu profesional, confiando en que esta esperiencia contribúya al so crecimientu y desenvolvimientu como futbolista.