Dempués de conocese la suspensión oficial del partíu Rayo Vallecano – Real Oviedo, previstu pa güei a les 14:00 hores nel Estadiu de Vallecas, el Real Oviedo comunica lo siguiente:
1. El Club manifiesta la so solidaridá y empatía cola plantiya, el cuerpu técnicu y l’afición del Rayo Vallecano ante la situación que tán travesando, fecha pública nel día d’ayer al traviés d’un comunicáu de l’Asociación de Futbolistes Españoles (AFE).
2. Asina mesmu, el Real Oviedo reconoce que los organismos competentes prioricen la integridá física y la seguridá de los futbolistes, principios irrenunciables que tienen de prevalecer en cualquier circunstancia dientro de la práctica deportiva profesional.
3. Sicasí, esta decisión supón un perxuiciu evidente pa la nuesa entidá, tanto dende’l puntu de vista deportivu como organizativu y económicu, al habese producíu una vez efeutáu’l desplazamientu del equipu, asina como pa los nuesos afeccionaos y los medios de comunicación que teníen previstu asistir al alcuentru.
4. Nesti sen, y a la vista de les circunstancies concurrentes, el Real Oviedo espresa’l so fondu desaguisáu pol grave contratiempo xeneráu y pola alteración sustancial de les condiciones de disponibilidá de xugadores que afecta direutamente al nuesu equipu, teniendo en cuenta la situación clasificatoria y la relevancia de los puntos en disputa pa dambes entidaes. En consecuencia, el Club anuncia que estudiará y exercitará cuantes aiciones reglamentaries resulten procedentes ante los organismos competentes, col oxetivu de salvaguardar el resultáu del alcuentru y garantizar unes condiciones competitives equitatives.
