Real Uviéu 5 - Vetusta 1
Primer partíu de pretemporada pa dambos conxuntos, xugáu nes instalaciones d’El Requexón énte un millar d’espectadores.
Alliniaciones:
Real Uviéu: Alfonso, Johannesson, Álvaro, Josín, Carlos Hdez., Edu Cortina, Susaeta, David Rocha, Steven, Linares y Ernesto. Tamién xugaron: Viti, Gorka, Verdés, Prendes, Ander, Christian Fdez., Ramón Folch, Jorge Ortiz, Asier, Saúl Berjón, Toché y Juan Carlos.
Vetusta: Santi, Jorge Mier, Fran, Juan, Jimi, Carlos Cano, Dani Beneitez, José, Pinin, Orviz y Alex. Tamién xugaron: Emilio, Francis, Eloy, Javi Mier, Buru, Pablo Tineo, Mamadú, Guille y Iván.
Goles: Linares (min 18, 42 y 44), Toché (min 49) y Asier (min 63). Pol Vetusta anotó Javi Mier (min 52).
El Real Uviéu impúnxose con claridá al filial uviedista nel primer ensayu de pretemporada pa dambos conxuntos, que se midieron énte bien de públicu nel campu númberu 4 d’El Requexón. Juan Antonio Anquela formó con una alliniación onde meció tanto xugadores del primer equipu como del filial en toles llinies, y al descansu dio-y relevu dafechu al equipu, con minutos pa tolos xugadores, amás de pa los trés porteros. Nel casu de Javi Rozada, el filial completóse con xuveniles que tán realizando tamién pretemporada col Vetusta, y de la mesma manera hubo minutos pa toos.
Linares firmó un hat trick na primer metá, con asistencies d’Ernesto, Álvaro y Steven. Esti postreru tuvo una ocasión clara que, depués de cabeciar, unvió percima del llargueru. Yá na segunda parte y con cares nueves dafechu en dambos conxuntos, Toché firmó’l 4-0 a pase de Saúl Berjón, y Javi Mier anotaba un tantu guapu pal filial. El postreru púnxolu Asier, rematando de primeres nel área un centru dende la esquierda de Christian Fernández.
Bones sensaciones pa poner el ramu a una selmana intensa de trabayu, con dobles sesiones tolos díes, que va siguir a partir del llunes nes instalaciones d’El Requexón.
