El Real Uviéu y l’Asociación Fondu Norte lleven delles selmanes trabayando de manera conxunta pa presentar d’equí a poco una grada d’animación n’ estadiu Carlos Tartiere, que se quier qu’empiece l’actividá na temporada 2017/2018.
La grada d’animación, con capacidá pa 1.200 persones, va tar allugada nel fondu norte y va tener accesu peles puertes 9 y 10 del estadiu. Esa grada va tener que tar sectorizada, pa lo que se va apurrir la información correspondiente al Escelentísimu Conceyu d’Uviéu, como propietariu del estadiu, pa que lleven alantre les obres necesaries.
