Nueva xornada y nuevu partíu nel Carlos Tartiere. Dempués del empate énte'l CD Eldense, el Real Oviedo encaraba nuevamente un alcuentru nel municipal uvieín y fízolo col claru oxetivu de consiguir una victoria pa ponese a un puntu del lideralgu. Con esta premisa, el técnicu del cuadru carbayón, decidió alliniar un once formáu por: Aarón Escandell, Pomares, David Costas, Dani Calvo, Nacho Vidal, De la Foz, Cardero, Colombatto, Seoane, Chaira y Alemão.

 

Salió bien al partíu'l Real Oviedo qu'apoderó mientres los primeres 45 minutos de partíu y goció de les ocasiones más clares de gol. Nel 19', Nacho Vidal dio'l primer avisu con una bona xugada individual per banda. Sicasí, el so remate colóse raspiando'l palu cuando'l Tartiere yá cantaba'l primeru.

 

Tres delles xugaes y combinaciones, Alemão tamién tuvo de a puntu d'anotar el primeru con una cabezada que se colaba mansamente a les manos del porteru. Cuando paecía que diríamos con 0-0 al descansu, Nacho Vidal sacó un testerazu de la chistera pa bater a Lizoain y facer xusticia a vistir sobro'l terrén de xuegu. 1-0 y españíu de felicidá na grada pa colase col meyor sabor de boca posible a los vestuarios.

 

Tres el pasu por vestuarios, Sibo y Portillo dieron aire fresco al equipu y entraron en llugar de Seoane y Cardero. L'equipu nun cesó nos sos intentos por abrir el marcador ente que l'Albacete BP, qu'ameyoró en comparanza col primer periodu, tamién acesmó con más apeligro la meta defendida por Aarón Escandell.

 

Chaira punxo'l uy na grada con una bona acción individual nel minutu 68 anque la resultancia nun se movió. Hassan, Rahim y Sebas entraron na recta final del choque y la ventaya pudo ser mayor. Sicasí, el 1-0 foi la resultancia final y collo el Real Oviedo sumó un trunfu bien importante nel Carlos Tartiere pa ponese a un solu puntu del lideralgu.