El Real Oviedo viaxaba nesta ocasión hasta tierres andaluces para vese les cares cola UD Almería na xornada númberu 25 de LaLiga Hypermotion. Tres el trunfu agónicu énte'l CD Castellón, los azules queríen enllargar el so gran estáu de forma llueñe del Carlos Tartiere y para ello'l técnicu madrilanu, Javi Calleja, formó d'entamu con: Aarón Escandell, Nacho Vidal, Costas, Dani Calvo, Pomares, Colombatto, Sibo, de la Foz, Portillo, Chaira y Alemão.

 

Entamu inmeyorable nel que namá faltó gol. Salió'l cuadru carbayón perbién al partíu apoderando'l centru del campu y gociando de les meyores ocasiones. Un gol pantasma de Colombatto nel minutu 5 foi la más clara para los asturianos. L'arxentín remató a gol un pase tras de Nacho Vidal pero Maximiliano sacó'l balon xusto na llínea para interpretación del colexáu. El mesmu Nacho Vidal tamién tuvo'l primeru darréu con un disparu dende dientro de la área. Sicasí, el so remate colóse esviáu.

 

La idea de los de Calleja yera clave anque la UD Almería tamién tendría un par d'acercamientos nes botes de Leo Baptistao y Luis Suárez. La insistencia carbayona nun cesaba y, tres otra gran acción de peligru obra de Chaira, llegó'l premiu del gol. Falta a la frontera de la área que se cola para dientro en tocando nun defensor. Gol de Alemão y 0-1 para poner el broche d'oru a una gran primer parte del Real Oviedo.

 

Tres el descansu, el cuadru local como yera lóxico, echó'l restu y foise a pol empate. El conxuntu carbayón aguantó y amosóse sólidu en defensa ente que buscaba salir al contragolpe para tratar de matar el choque. Sebas Moyano y más tarde Paulino de la Fuente salieron al campu para dar aire al equipu anque nel 75' la UD Almería llogró l'empate. Luis Suárez nun falló a la so cita col gol y punxo les tables nel marcador. Nel 78', Paraschiv y Lucas Ahijado sustituyeron a Sibo y Nacho Vidal respectivamente anque la resultancia nun se movió.

 

Puntu importante y de muncho méritu para un Real Oviedo que pudo ampliar la so ventaya na primer parte y que xugó un gran alcuentru en casa d'unu de los candidatos al ascensu.