El Real Oviedo robla un partíu sensacional y llogra un trunfu clave énte'l Llevante UD nel Carlos Tartiere. Un gol en mesma puerta na primer metá foi abonda por que'l conxuntu azul superara a unu de los equipos más complicaos de la categoría. Agora, y tres esta victoria, los de Paunovic asítiense cuartos con 62 puntos y dan un golpe enriba de la mesa na llucha polos puestos d'ascensu directu. 

 

Escandell, Nacho Vidal, Calvo, Costas, Rahim, Sibo, Colombatto, Seoane, Hassan, Portillo y Viñas. Asina salió'l Real Oviedo a un partíu en que'l cuadru carbayón demostró dende l'entamu les sos intenciones. Posesión, presión y una marcha más que'l rival fixeron qu'el Tartiere se enchufase dende'l pitíu inicial. Rahim, por esquierda, foi un incordiu total y nun dexó de llegar hasta llínea de fondu pa poner balones a la área. Nuna d'eses llegaes del llateral esquierdu, Ignasi Miquel introdució'l balón na so propia portería pa poner el primeru nel marcador. 

 

Tres el pasu por vestuarios, l'equipu nun camudó la so idea y el so modelu de xuegu. Tres los cambeos de Seoane y Costas por Cardero y Llongu, respectivamente, Eze debutó col primer equipu uvieín en sustituyendo a un Dani Calvo que tuvo qu'abandonar el terrén de xuegu por atopase amoriáu. Escandell, demostrando'l so gran nivel, salvó la victoria con un paradón nel descuentu trés puntos clave pa encarar del meyor forma posible'l tramu final y decisivo de la temporada.