El Real Oviedo gana por 1-0 al Real Zaragoza nun partíu que tuvo de too y nel que Paulino decantó la balanza con un gol nel descuentu que desamarró la llocura nel Tartiere. Los de Paunovic intentáronlo hasta'l final y nun dexaron de creer nun alcuentru que fai que'l conxuntu azul quedara a dos puntos del ascensu directu. 

 

Aarón Escandell, Oier Luengo, Dani Calvo, David Costas, Rahim, Colombatto, Sibo, Portillo, Hassan, Cazorla y Fede Viñas. Asina salió'l Real Oviedo na tarde de güei. Los nuesos salieron con autoridá y tratando d'imponer el so estilu de xuegu dende'l principiu anque un predresu Zaragoza amosó la so solidez defensiva. Rahim, por esquierda, dio fondura al equipu y xeneró peligru per banda esquierda. La peor noticia de la primer metá foi la sustitución obligada de Viñas por Alemao en saliendo mal paráu d'una acción con un defensor del cuadru visitante.

 

Tres el pasu por vestuarios, el Real Oviedo salió cola mesma idea y nel 60´ tuvo la opción de ponese per delantre con un penalti de Cazorla. Sicasí, el so remate estrellóse na madera. Paulino, Cardero y Seoane entraron al terrén de xuegu nel 68 en llugar de Hassan, Cazorla y Portillo 

 

Con tol Tartiere entornáu en busca de la victoria, y cola entrada final al campu de Paraschiv, l'Oviedo dio'l so últimu aceleríu y el premiu del gol llegó. Peñada de Parasvhic y gol de Paulino de la Fuente para desamarrar la llocura y dar trés puntos perimportantes al equipu que nun quier arrenunciar a suañar col ascensu directu. 

 

Agora, l'equipu quedó a dos puntos del ascensu directu y mete más presión entá a la zona alta de la tabla. Próxima parada, la penúltima de la temporada, nel Heliodoro énte'l CD Tenerife.