El Real Oviedo viaxaba a Santander pa encarar un duelu directu pol ascensu directu. Los de Paunovic llegaben en racha en ganando a Llevante y Huesca y l'oxetivu taba claru. Sumar de trés para apertar tou más na zona alta y llegar a les postreres trés xornaes de LaLiga Hypermotion con tou por decidir. Pa esta ocasión, el técnicu azul allinió un once que taba formáu por Aarón Escandell, Nacho Vidal, Costas, Dani Calvo, Rahim, Sibo, Colombatto, Hassan, Sebas, Cazorla y Alemão.

 

Arrincó'l partíu col Racing llevando'l pesu del partíu anque ensin llegar a tresformar esa posesión n'ocasiones. El Real Oviedo trataba de caltenese sólidu en defensa y col pasu de los minutos empezó a amenaciar la meta de Jokin. Alemão con dos disparos punxo n'apuros a la meta verdiblancu. Sicasí, el 0-0 siguía imperando en Los Campos de Sport.

 

Cuando l'alcuentru averaba al descansu, Dani Calvo rompió l'empate con un tanto de cabeza tres un córner botáu por Cazorla. Los más de 1.200 oviedistas movíos a Santander festexaben conscientes de la importancia d'un gol col que l'Oviedo diría ganándose al descansu.

 

Tres la continuación, los locales salieron con tou a pol tantu del empate. Una falta de Michelin que s'estrelló nel llargueru foi la más clara pal Racing nos primeres 20 minutos del segundu tiempu. Pela so parte, l'Oviedo siguía siendo un equipu sólidu en defensa y cola idea de partíu bastante clara. Nel 66, Paunovic realizó la primera doble sustitución y dio entrada a Viñes y Seoane en llugar de Sibo y Sebas Moyano.

 

La insistencia de los cántabros tuvo'l so pagu a la fin y nel 70, Mario García punxo l'empate con un disparu dende la frontera.

 

Na recta final del choque, los dos equipos dieron el tou pol tou pa llevase los trés puntos anque finalmente l'empate foi la resultancia final.