Rueda de prensa del entrenador del Real Oviedo, Julián Calero, tres el partíu d'esta tarde disputáu nel Carlos Tartiere. El técnicu azul analizaba un alcuentru marcáu pola pronta espulsión d'Aldasoro. 

"Tóime tremendamente orgullosu de los mios xugadores. Primero con 11 xenerando situaciones, ensin dexar xugar al nuesu rival y con 10 nun dexamos que se notara la superioridá numérica. Tamos fastidiaos porque queríemos los tres puntos pero les circunstancies vienen como vienen".

Sobre la espulsión del minutu 26 tres la llamada del VAR. "Hai contautu a la altura del xemelgu, l'árbitru piensa que ye una falta ensin más y claro, si sacas la fotografía ehí te espulsen seguro. Nesti tipu de xugades según nos va l'agua asina queixámonos o non, conviértese'l fútbol en daqué imprevisible". 

Calero siguía lamentando nun haber sumaes los tres puntos. "Fuimos merecedores de la victoria anque con ún menos, pero esto nun va de merecer. Hai que ser fuertes nes árees. Na nuesa tamos siéndolo, na otra fáltanos. Nerviosismu nun pue entranos, pero sí ye un fastidiu tres partíos na casa ensin consiguir gol nel Tartiere con tolo que xeneramos. Los equipos de la parte d'arriba tienen que facese fuertes na casa y nós nun lo conseguimos. Habrá que compensalo fuera de casa. Nel momentu que rompa l'equipu sé que vamos tirar p'alantre".

Toda la rueda de prensa de Julián Calero a continuación.