El Real Oviedo camudó'l so llugar de trabayu nel día de güei y treslladóse al Carlos Tartiere pa llevar a cabu la penúltima sesión d'entrenamientu enantes d'enfrentase esti xueves al Villarreal CF.

Dempués d'un día esixente en El Requexón, la primer plantía carbayona trabayó güei sobre'l municipal uviedín a les órdenes de Guillermo Almada nuna sesión centrá en fortalecer los puntos fuertes del equipu y en trabayar les debilidaes del conxuntu visitante. 

Con entá un entrenamientu por delantre, que va ser mañana a les 10:30 hores en El Requexón, el Real Oviedo llega a esti choque nel so meyor estáu de forma de la temporada tres dos victories consecutives.