El Real Oviedo completó na mañana d'esti xueves una nueva sesión d'entrenamientu en El Requexón, enmarcada dientro de la preparación del conxuntu azul de cara a los próximos compromisos de la pretemporada.

El equipu centró gran parte del trabayu nel apartáu tácticu, con diferentes ejercicios orientaos a siguir afianzando los conceutos que'l cuerpu técnicu vien desenvolviendo mientres les caberes selmanes. La sesión completóse con otres tarees específiques sobre'l terrén de xuegu, calteniendo la intensidá y el ritmu habituales d'esta fase de preparación.

La principal novedá de la xornada foi la presencia de Jacobo, que volvió a exercitar col grupu, y completó ensin problemes la sesión.

El conxuntu carbayón continuará cola so planificación mientres los próximos díes enantes d'afrontar un nuevu test de pretemporada. El sábadu, el Real Oviedo recibirá al Deportivo de La Coruña nel Carlos Tartiere, nun alcuentru amistosu que va entamar a les 19:30 hores y que supondrá una nueva oportunidá pa siguir sumando minutos de competición énte la afición azul.