El Real Oviedo volvía al Carlos Tartiere pa enfrentase al Burgos CF na cuarta xornada de LaLiga Hypermotion. Tres el trunfu n’Albacete, los azules queríen regala-y una victoria a la so xente, pero’l partíu complicóse bien ceo cola espulsión d’Aldasoro.

 

 

El bon arranque del conxuntu carbayón convidaba al optimismu. Los de Calero fueron dominadores en tou momentu y acorralaron al Burgos nos primeros compases hasta la espulsión d’Aldasoro. El mediocentru vio la cartulina colorada, tres la revisión del VAR, por una entrada sobre un futbolista visitante, y dexó al so equipu con un xugador menos.

 

A pesar de la inferioridá numbérica, el Real Oviedo siguió intentándolo y nun dexó de lluchar por llevase los tres puntos.

 

Tres la reanudación, y cuando’l Burgos taba nel so meyor momentu, Enzo entró nel campu pa da-y más enerxía al equipu. Jacobo tuvo’l primer gol del partíu nes sos botes dempués d’una bona xugada a la contra.

 

 Sicasí, el so disparu marchó altu.

Pablo Sáenz tamién tuvo cerca del gol con un remate mui bonu dende la frontal que s’estrelló na madera. Los burgaleses, que apenes aprovecharon la espulsión, tamién pudieron llevase’l trunfu con un remate a placer que despejó mui bien Aarón Escandell.

 

Mingo, Youness, Estanis y David Jiménez fueron el restu de cambeos escoyíos por Calero pa da-y frescura al equipu, pero’l resultáu nun se movió. Una bona xugada d’Estanis pola banda namás entrar al campu llevantó al Tartiere nun nuevu arreón del Real Oviedo, pero’l Burgos aguantó y el partíu terminó con empate.

 

La próxima xornada, el Real Oviedo tendrá una salida complicada al José Zorrilla pa enfrentase al Real Valladolid.