La fin de selmana pasada xugóse en Tarragona la primer fase de LaLigaGenuineSantander, onde participaron un total de 30 clubes, ente los que s’atopaba’l Real Uviéu.

Los azules, que viaxaron hasta tierres catalanes el vienres pela mañana, encararon la competición con ilusión y responsabilidá, sabedores de la importancia de gozar el momentu. El Real Uviéu enmarcóse nel grupu con Levante y Mallorca, amás de xugar un alcuentru amistosu col Atléticu de Madrid.

El balance na competición foi d’una victoria y dos empates, convirtiéndose en campión del so grupu. Los resultaos d’esta primer fase pa los carbayones foron:

Real Uviéu 2 - 2 RCD Mallorca

Fundación Atlético de Madrid 0 - 0 Real Uviéu

Levante UD EDI 0 - 3 Real Uviéu

El Real Uviéu Genuine va siguir entrenándose pa preparar la so próxima participación oficial, na que los azules van viaxar hasta Córdoba’l mes de xineru pa siguir compitiendo.